هجوم شرس على إيناس الدغيدي بسبب تصريحاتها (فيديو)

شنت الإعلامية مروة صبري حملة هجوم شرسة على المخرجة إيناس الدغيدي بعد تصريحاتها الأخيرة عن المساكنة.

قالت مروة خلال تقديمها برنامج "قعدة ستات" على قناة "ألفا" موجهة حديثها لإيناس: "ياريت ما تتكلميش في الدين تاني، هل ينفع نتكلم كده عن فنان كبير بحجم أحمد زكي، ونحكي موقف زي ده، إزاي جالك قلب وعقل تقولي كده".

ووجهت مروة رسالة للدغيدي قائلة: "أرجوكِ عيشي قناعاتك في حياتك ومع نفسك، مع أصحابك، وما تفرضيش قناعاتك الغلط، وأفكارك المسمومة اللي ضد الدين والقيم والأخلاق للناس".

كانت إيناس الدغيدي قد صرحت خلال حوارها مع الإعلامي علي ياسين في برنامج "الفصول الأربعة" المذاع عبر قناة الجديد اللبنانية قائلة: "أنا قلت الزنا هو حلال لو أنا بعرض عليك وإنت بتوافق والناس بتعرف".

أضافت: "إحنا الجواز عندنا في الإسلام هو 3 حاجات، عرض وقبول وإشهار، زمان مكانش في ورق، وكانوا يمشوا في الشارع يقولوا فلانة تزوجت فلان ويبقى جواز، وأنا عملتها في فيلم مذكرات مراهقة".

تابعت: "لو أنا معلنة العلاقة والناس شايفاها وشاهدين على إن أنا وهو مع بعض، وهو عارض وأنا موافقة، يبقى مش زنى".