أكرم حسني يتحدث عن تفاصيل تعاونه مع أنغام

كشف الفنان أكرم حسني تفاصيل تعاونه مع الفنانة أنغام في أغنية "تيجي نسيب"، والتي حققت الفترة الماضية نجاحاً كبيراً، ونسبة استماع عالية على منصات الغناء، بجانب حديثه عن مسلسله الجديد "الكابتن" الذي يُعرض ضمن السباق الرمضاني الحالي.

وقال أكرم في تصريحات إعلامية: "من كرم ربنا عليا إن أنغام اللي غنّتها، ويمكن لو حد تاني غير أنغام اللي عمل الأغنية مكنتش هتوصل بالمشاعر دي، الوطن العربي كله بيحب أنغام واستغربت إزاي الجمهور حفظ الـ12 أغنية بتوع الألبوم في 20 يوم".

وأضاف: "ربنا اللي بيلهم الواحد، وبشكر ربنا على الملكة اللي مديهالي ومكنتش مكتشف إني عندي الجانب الدرامي في كتابة الأغاني، وزي ما بيطلع مني كلام يعمل أغنية دمها خفيف طلع مني أغنية زي "تيجي نسيب"".

وعن مسلسله الجديد "الكابتن"، قال أكرم حسني: "بنقعد نشتغل وفريق عمل كامل علشان كل رمضان نقدم عمل يحترم عقلية الجمهور ويكون فيه معنى اللي عايز يلقطها يعمل كده".

واختتم أكرم حسني تصريحاته قائلاً: "عندنا مواهب نسائية مختلفة جداً، ولكن فكرة الكوميديا سواء للراجل أو الست أصعب، وآية سماحة خطيرة وعارفة توقيت الإفيه، ورحمة أحمد بتضحك ببساطة، وأنا شايف إن الشخصية اللي بتقدمها آية سماحة في مسلسل "الكابتن" هي حلم كل شاب مصري، عفوية وتلقائية ودمها خفيف".

مسلسل الكابتن هو بطولة الفنانين: أكرم حسني، آية سماحة، سوسن بدر، أحمد عبد الوهاب، محمد رضوان، رحمة أحمد، أحمد الرافعي، عزة لبيب، عمر شرقي، وئام مجدي، مؤمن نور، وميمي جمال.