نور علي تكشف تفاصيل جديدة عن الاعتداء عليها (فيديو)

خلال استضافتها في برنامج "تفاعلكم"، تحدثت النجمة نور علي عن تفاصيل جديدة حول ما حدث معها في الساحل السوري، موضحةً أنها شاركت المقطع المصوّر من داخل سوريا وليس كما ادّعى البعض بأنها كانت في لبنان بهدف توصيل ما يحصل الى الجهات الرسمية لايجاد حلّ.

وقالت نور علي: "ما كنت عم احكي عني بشكل شخصي، وما كنت عم احكي عن الاعتداء اللي صار عليي، لأن اللي صار على غير ناس كتير أكبر. انا طلعت احكي لأن حسيت انه صار فيني اطلع احكي، صارت كلمتنا عم تنسمع، وأنا وقت طلعت وحكيت إنه في اعتداءات وتجاوزات عم تصير على المدنيين، وبرجع بأكد وبقول ما ذكرت أنها من الامن العام، قلت أنه من بعض الفصائل اللي نحنا ما بنعرف مين هني، كنت عم احكي لأنه كان عندي أمل كبير انه ينسمع صوتي، وفعلاً نسمع، يعني هلأ عم نشوف حتى رئيس الدولة والأمن العام اعترف بالتجاوزات وعم يحاسب كل حدا عمل تجاوزات وعم يتحاسبوا".

وأضافت: "اللي صار أنا تأثرت فيه بزيادة لأنه أنا كان رأيي من اول لحظة اي حدا حامل سلاح من غير الدولة انه يتحاسبوا. لما نوصل لهالمرحلة، بعد 90 يوم من الهدوء والسلام، انا كنت جداً متفائلة من اللي حيصير، كان عندي احساس انه اللي رح يصير أحسن، فإنك ترجعي تشوفي وجع هو جداً قاسي بالنسبة إلي".