فيفي عبده تتحدث عن الشائعات وعمليات التجميل (فيديو)

10 أيار 2025 | القاهرة - "لها"

فيفي عبده

حلت الفنانة فيفى عبده ضيفة على الإعلامية ياسمين عز، في حلقة جديدة من برنامج "كلام الناس"، الذي تقدمه عبر شاشة قناة MBC مصر، حيث تحدثت عن موقفها من السوشيال ميديا، والشائعات التي تخرج عليها بين الحين والآخر بوفاتها، وعن بعض المساعدات المالية والتي ضُحك عليها من شخص بها، وتكشف حقيقة إجرائها عمليات تجميل

قالت فيفي: "الصفحات على السوشيال ميديا بتموتني كل يوم وفيه ناس بتكتب حاجات غريبة، وأنا بقرأ عزائي كل يوم"، موضحة: "الدنيا اتغيرت وبقى فيه جشع ومن قبل ما اللي يموت يدفن بيتخانقوا على الورق".

تابعت: "واحد بعتلي من فترة إن رجله محروقة ومبتورة عشان أساعده وأبعتله فلوس، قولتله ابعت لي محفظة الكاش بتاعتك وحولتله فعلًا مساعدة.. بعد كام أسبوع باعتلي نفس الرجل وقالي الحقيني، نفسي الواحد يتأكد قبل ما يعمل الخير إن الشخص ده يستاهل".

كما كشفت عن مرورها بفترة نفسية صعبة دفعتها الى زيارة طبيب نفسي، مؤكدة أن الأوضاع في فلسطين أثّرت عليها بشدة.

وقالت: "روحت لدكاترة نفسيين بسبب فلسطين، والدكتور قالي متفتحيش التلفزيون"، أضافت: "مش عايزة أفول على نفسي... أنا لسة عندي كتير وعايزة أعيش وأتبسط، ومش عايزة حد يكلمني عن المرض ولا السياسة".

وفي سياق حديثها عن الوقت والعمر، علّقت فيفي على أزمة الفنان الراحل محمود عبد العزيز قائلة: "فكرت فيه، ولما شفت إنه توفي من 9 سنين قولت يا نهار أبيض، كنت فاكرة من سنتين تلاتة.. العمر بيجري".

كما تناولت قضية المال والزواج، مشيرة الى أن الأموال قد تسبب الكثير من المشاكل: لما يبقى عندك حاجة بتقولها وقتها أضرب على الحديد وهو سخن.. مش بعد 9 سنين.. بس الفلوس بتعمل مشاكل جامدة أوي فلازم الواحد يصرف الفلوس كلها وميسبش حاجة.. والزواج إشهار، بوسي زوجته قدام ربنا والناس كلها.