ملك زاهر تتعرض لأزمة صحية غريبة وتكشف تفاصيلها

10 حزيران 2025 | القاهرة – "لها"

كشفت الفنانة الشابة ملك أحمد زاهر عن تعرضها لأزمة صحية دخلت على إثرها المستشفى مؤكدة أنها أصيبت بتلك الحالة منذ أيام ولم يستطع الأطباء تحديد أسباب المرض أو نوعه، مشيرة في كلامها الى الحسد.

ونشرت ملك على خاصية القصص المصورة الملحقة على حسابها الخاص بـ"إنستغرام" صورة لغرفة في أحد المستشفيات، وعلقت عليها بمنشور طويل، قالت فيه: "عمري ما بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبًا كنت باخدها بهزار بيني وبين صحابي".

تابعت: "بس بجد حاسة إن الفترة الأخيرة بيجيلي كومنتس كلها إنتي عايشة ومبسوطة واحنا مش عايشين، وإيه كل اللي انتو فيه وحاسة إن في ناس بصة على أتفه الحاجات اللي ممكن تكون عندي بتبسطني، زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين".

أضافت ملك: "حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي، أنا بحكى الكلام ده عشان تعرفوا بس إن حياتي فيها الحلو والوحش، والله زي أي حد بس أنا بحب دايمًا أشير الحلو بس وغالبًا ده غلط فقررت أشارككم كمان الوحش".

استكملت كلامها قائلة: "ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام، بس هو مخلى نفسيتى وحشة أوى، حقيقي كل اللى طالبة أنكم ماتحكموش على حد من السوشيال ميديا أو من ظهوره فى أى حاجة لأنها بتورى بس يمكن 20٪ من حياته، ادعولي أخف بسرعة وشكراً".

ثم اختتمت: "الهدف من الاستوري دي مش إن أي حد يقلق لأن الحمد الله أنا تمام مافيش حاجة مقلقة أنا بس حسيت إنى محتاجة أشارك الوحش زي ما أنا بشارك الحلو مش أكتر".