أحمد السقا يكشف أسراراً عن عمله مع هند صبري وعلاقته بشيرين عبدالوهاب

07 أيلول 2025 | القاهرة - "لها"

أحمد السقا

كشف الفنان أحمد السقا للمرة الأولى عن علاقة الصداقة الوطيدة التي تجمعه بالفنانة شيرين عبد الوهاب منذ زمن طويل، مؤكدًا أنها نعمة كبيرة من الله للجمهور المصري، مشيرًا الى أنها تحتاج الى شخص في حياتها يكون أمينًا عليها، كما كشف السقا تفاصيل عمله مع الفنانة هند صبري في مسلسل "عايزة اتجوز"، مؤكداً أنها أصابها الرعب لدرجة الموت في أحد المشاهد.

قال السقا خلال إحدى الندوات الصحافية: "شيرين عبد الوهاب نعمة ربنا ادهالنا وهي عشرة عمر من أكتر الناس اللي قعدت بيا في المستشفيات.. وهي مش محتاجة نصيحة ولكن محتاجة حد أمين عليها وبضايق من الانتقادات اللي بتتعرض ليها وإحنا عندنا فنانين المفروض إحنا اللي نحافظ عليهم زي أنغام وآمال ماهر".

وعن كواليس حلقته في مسلسل "عايزة أتجوز"، بطولة هند صبري، والذي عرض في عام 2010، قال السقا: "هند صبري كلمتني قالت لي هنصور ساعتين بس، هند أختي وأفضالها كتير عليَّ، فـروحت أصور ووقتها كنت عامل عملية في الأحبال الصوتية وصوتي المتغير ده كان بجد مش قاصده".

أحمد السقا يفجر مفاجأة عن عمله مع هند صبري

تابع السقا: "خرجت من المستشفى عليهم، أول مشهد صورناه اللي كنت بدور فيه في الشقة، وكان فيه مشهد المطاردة وقولت لأستاذ رامي أكيد مش هتخلص كده ولازم يورطها في مصيبة، كلمت عمرو ماكجيفر وجه وعملنا مشهد العربية وكله في ست ساعات".

قال السقا: "هند كانت هتموت من الرعب ونزلت في الدواسة بجد والمخرج ثبت الكاميرا وسابنا نرتجل وقال معاهم ربنا".