إياد نصار يكشف تفاصيل أول عمل كوميدي في مشواره

13 أيلول 2025

إياد نصار

كشف الفنان إياد نصار، تفاصيل تجربته الأولى في عالم الكوميديا، وذلك خلال فيلم "من أيام الجيزة"، معربًا عن سعادته الكبيرة بتقديم عمل كوميدي بمسيرته الفنية.

قال إياد في تصريحات صحافية: "فيلم من أيام الجيزة كوميدي ودي تجربة بالنسبة ليا جديدة، كان ليا تجارب قبل كده كوميدي ولكني كنت ضيف فيها وبجرب حاجة، وكان في حاجات في برامج زي سكتشات وفي الآخر مبنية على ممثل غير كوميدي ولكن متحكمش عليه في عمل كوميدي، طول الوقت عندي فكرة أني عايز أعمل كوميدي ولكن فين ومع مين وإيه الحكاية.

وتابع: "قلت للمخرج مرقس عادل، أنا عايز أعمل مشروع كوميدي معاك، لأني بكون متطمن وأنت ورا الكاميرا، وبدأنا واشتغلنا على الفكرة وطورناها، وحسيت إن دي التجربة الكوميدي اللي أحب أكون فيها، معايا ممثلين تقال والفيلم كوميدي ولكني مش كوميديان في الفيلم".

إياد نصار: البقاء في منطقة الأمان للممثل شيء ممل

وواصل إياد نصار: "حطيت كل تفكيري وفكرنا كويس في التفاصيل والشخصيات، العمل حكايته بسيطة بس مش سطحية، والبساطة لا تعني السطحية، والكوميديا لا تعني غياب المنطق، الكوميديا محتاجة منطق، وكل شخصية موجودة في الفيلم لها هدف وبتعبر عن شريحة، وكان في مذاكرة في نوعية الكوميديا اللي عايزينها وفي الآخر الحكاية ماشية إزاي، وفي الآخر هي مغامرة، وأنك تفضل في منطقة الأمان بالنسبة لك شيء ممل، والممثل مش عايز حاجات مملة، فكنت عايز أجرب ويكون في مسيرتي عمل كوميدي".