ماس محمد رحيم توجه رسالة مؤثرة لوالدها في ذكرى رحيله

أحيت، ماس ابنة الملحن الراحل محمد رحيم، ذكرى رحيل والدها التي توافق اليوم (الأحد) 23 تشرين الثاني (نوفمبر)، حيث وجّهت له رسالة طويلة حملت كلمات مؤثرة، مشيرة الى أنها بعد وفاته فقدت روحها وشغفها في الحياة، كاشفة أيضًا عن بعض كواليس ذكرياتهما التي جمعتهما معاً.

وكتبت ماس محمد رحيم، عبر حسابها الخاص على "إنستغرام"، قائلة: "فكرت كتير في الكلام اللي نفسي أقوله النهارده، واللي عارفاه كويس أوي إنه هيوصلك وهتحس بيا عشان اللي بيني وبينك مكانش وعمره ما هيكون في الأرض وانتهى عليها وبس، يمكن بقالي 3 شهور بحاول أجمع كلامي وبقالي سنة بحاول أصدق، أنا بقيت أدور عليك في تفاصيل عمري".

وأردفت: "بدور على صوتك في كلامي وملامحك في مرايتي وفي وشوش إخواتي وأهلنا، كل ما بتوحشني يا بابا بتفرج عليهم وبشوفك فيهم كل كلامك يهمني، وأي حاجة كانت بتيجي في بالك ولو ثانية كانت بتشغل تفكيري ويمكن عشان كدا أنا مش بنسى".

View this post on Instagram

A post shared by Mass Rahim ♌︎ (@massrahimofficial)

ماس محمد رحيم لوالدها الراحل: ليك مكان خاص في قلبي

وأكملت ماس رسالتها قائلة: "أنا كنت بشوف حركاتك وتعبيراتك ومش بعيوني وخلاص أنت ليك مكان خاص جوه قلبي، وكل ما أفتكر ذكرياتنا وأرجع للماضي، من كتر إحساسي بيك، بحس إن اللحظة لسة عايشة ولسة بنتمشى في الشارع وأنا بغني بصوت عالي، عشان أنا وهارتي نضحك ونتكسف وأنت تضحك على رد فعلنا، أنا فقدت روحي ونفسي وإحساسي وإدراكي وشغفي، لما أنت مشيت، ولكن كل مرة بفتكرك فيها واللهِ واللهِ بيرجعولي تاني، ولو حد عايزني في حاجة بجد يحلفني بعيونك".

واختتمت: "ذكرى أليمة وبتوجعني وبتحطمني ولكن كفاية عندي إني بفتكرك أنت، ورب العالمين رزقني بيك وخلاني بنتك وخلى حبك في قلبي كبير كدا، عشان توحشني أوي، ادعو لقلبي بالرحمة والمغفرة.