منى هلا تدافع عن زواجها المدني وتفجّر مفاجأة

ردّت الفنانة منى هلا على الانتقادات التي طاولتها الفترة الماضية عقب إعلانها زواجها مدنياً، موضحةً أنها اضطرت لذلك بسبب جنسيتها النمسوية، ومبديةً استياءها الشديد من الانتقادات، واصفةً إياها بالجهل.

وقالت منى في تصريحات على هامش حضورها فعاليات الدورة العاشرة من "مهرجان شرم الشيخ الدولي لمسرح الشباب": "أنا أجنبية، والأجانب في مصر لما بيجوا يتجوزوا أو في أي حتة في العالم بيتجوزوا مدني، في مصر لازم نتجوز في المحكمة في وزارة العدل، أنا مش فاهمة في إيه، واللي بينتقد غباء وجهل، اللي بينتقد من غير ما يعرف القانون يروح يسأل، والمشكلة إنهم بيمسكوا في الستات، ولو في راجل طلع قال نفس الكلام أو إنه مش عايز يخلّف مثلاً الناس مش هتهاجمه، ولكنهم لازم يهاجموا الست لأنها بتتكلم".

وأضافت: "مش فاهمة متضايقين من جوازي المدني ليه، أنا أجنبية ولا أحمل جنسية في حياتي غير النمسوية، والجنسية النمسوية مينفعش تاخدي جنبها جنسية تانية، ودي الطريقة اللي بنتجوز بيها في المحكمة علشان يبقى الزواج موثّق في الدولة اللي عايشة فيها".

منى هلا تكشف سبب ابتعادها عن الأعمال المصرية

وعن سبب عدم مشاركتها في أعمال فنية مصرية، قالت منى هلا: "أنا أغلب وقتي بقيت أقضيه برّة مصر لأن بيبقى عندي شغل هنا بروح أعمله وبرجع، وبدي ورش تمثيل".

وأضافت: "ممكن أعمالي قليلة في مصر شوية بسبب إني بحب المخرج يديني مساحتي أكتر، وبحب احترام المواعيد، واتعلّمت ده أكتر من الأجانب".

مقالات ذات صلة

سميرة محسن تكشف أسراراً فنية: أنا مَن اكتشف هؤلاء النجوم

بالفيديو - منى هلا تكشف كيف عالجت نفسها من مرض السكري وموقفها من الإنجاب

منى هلا زواج مدني مهرجان شرم الشيخ الدولي