أحمد مالك يتحدث عن عمله في التمثيل وحياته الشخصية (فيديو)

حلّ الفنان أحمد مالك، ضيفاً على برنامج et بالعربي، حيث كشف عن أسباب اندماجه الشديد في مشهد المشاجرة الشهير الذي قدمه في مسلسل "سوا سوا"، الذي يشارك في بطولته بجوار الفنانة هدى المفتي، وحقق نجاحًا كبيرًا منذ بداية عرضه.

قال مالك: "بفصل الشخصية اللي بعملها عن شخصيتي الحقيقية، دي شغلانة، الدكتور بيمارس مهنته، وطبعًا الدكاترة شغلتهم أهم بكتير، بينقذوا حياة بني آدمين وإحنا بنعمل فن، يعني بقارن مهنة بمهنة، بيدخل يعمل عملية ويروح بيته مش بياخدها معاه، والواحد اللي عنده حرفة في التمثيل بيعرف لما يرجع للبسه ويطلع من اللوكيشن، خلاص دي شغلانة خلصتها، هو بس الواحد يبقى حقيقي وعنده ضمير في شغله ويقدمه بأحسن شكل، وده شغفي في المهنة؛ إني أبقى صادق وحقيقي ويارب الناس تصدق اللي أنا بحاول أقدمه دي أمنيتي".

وأضاف أحمد مالك: كل مشهد ظروفه مختلفة، ممكن يكون طالب حالة من السعادة أو الحزن، والواحد يكون ملتزم بده ويكون مقدر اللي حواليه ميقولش أنا جوا المشهد ومجنون ده غلط".

تفاصيل مسلسل "سوا سوا" لأحمد مالك وهدى المفتي

مسلسل "سوا سوا" بطولة أحمد مالك، هدى المفتي، شريف الدسوقي، أحمد عبد الحميد، نهى عابدين، حسني شتا، خالد كمال، محمود السراج، عبد العزيز مخيون، وتدور الأحداث حول امرأة تجد نفسها عالقة في منطقة رمادية قاتلة بين رجلين يمثلان نقيضين تمامًا، أحدهما يحبها بصدق وتفانٍ، والآخر يرى في الحب مجرد امتداد لسطوته وقدرته على السيطرة.