مخرج "سوا سوا": أحمد مالك خرج عن السيطرة وأصابنا بالرعب (فيديو)

فجّر عصام عبد الحميد، مخرج مسلسل "سوا سوا" لأحمد مالك وهدى المفتي، مفاجأة كبرى عن كواليس مشهد المشاجرة الشهير بالمسلسل والذي تصدر به مالك ترند منصات البحث.

وأوضح عصام عبد الحميد، في لقاء مع برنامج ET بالعربي، أن أحمد مالك اندمج بالشخصية الى حد كبير، قائلًا: "خرج عن السيطرة كممثل وكنا خايفين يضربنا إحنا شخصيًا جوا الخناقة، وكان جوا الحالة جدًا".

وأضاف: في النهاية إحنا لوكيشن روحه لذيذة ومرتبطين ببعض، وبنعرف لما حد يوصل لمرحلة كبيرة من الضغط أول الانفعال بنعرف كلنا نهديه".

أحمد مالك: أفصل بين شخصيتي الحقيقية وعملي

كان أحمد مالك، قد كشف كواليس مشهد المشاجرة، قائلًا: "بفصل الشخصية اللي بعملها عن شخصيتي الحقيقية، دي شغلانة، الدكتور بيمارس مهنته، وطبعًا الدكاترة شغلتهم أهم بكتير، بينقذوا حياة بني آدمين وإحنا بنعمل فن، يعني بقارن مهنة بمهنة، بيدخل يعمل عملية ويروح بيته مش بياخدها معاه، والواحد اللي عنده حرفة في التمثيل بيعرف لما يرجع للبسه ويطلع من اللوكيشن، خلاص دي شغلانة خلصتها، هو بس الواحد يبقى حقيقي وعنده ضمير في شغله ويقدمه بأحسن شكل، وده شغفي في المهنة؛ إني أبقى صادق وحقيقي ويارب الناس تصدق اللي أنا بحاول أقدمه دي أمنيتي".

وأردف أحمد مالك: "كل مشهد ظروفه مختلفة ممكن يكون طالب حالة من السعادة أو الحزن والواحد يكون ملتزم بـ ده ويكون مقدر اللي حواليه ميقولش أنا جوا المشهد ومجنون ده غلط.

شارك