معركة حادة بين ملكة جمال مصر السابقة فرح شعبان وطليقها علي غزلان

تصدّر اسم الإعلامية وملكة جمال مصر السابقة فرح شعبان، وطليقها البلوغر علي غزلان، قوائم الترند على مواقع التواصل الاجتماعي في الساعات الماضية، بعد أن تحدثت فرح عن تعرضها للظلم من طليقها.

ونشرت فرح عبر حسابها الرسمي في موقع "إنستغرام" فيديو قالت فيه: "ارحموا مَن في الأرض يرحمكم مَن في السماء، أنا تعبت والله، مش عارفة لحد إمتى هفضل محتوى للطرف الآخر، خلاص كفاية إني اتظلمت في حياتي كلها، وكفاية إني أخدت لقب أنا مكنتش عايزة أخده، وكفاية إني واحدة عندي 27 سنة بقت سينغل ماما، وبتدير حياة كاملة لوحدها وبتربّي طفل عشان ميطلعش معقّد، وحاجات كتير الواحد ساكت عنها".

وأضافت: "بس لحد إمتى هفضل محتوى ومعنى إني أتطلق 3 مرات من نفس الشخص، يعني أنا عملت كل ما بوسعي عشان أكمّل، لحد ما وصلت لمرحلة إني خلاص بموت، وحتى لما بنصح الستات، عشان ده محتوايا وبرنامجي اسمه "إنتي"، لما بتكلم بقول ده أب كويس ومحترم، لكن بيتقال عليا أنا كنت دافنة حياتي ليه... كفاية ظلم وكذب بقى".

واختتمت فرح شعبان الفيديو بالقول: "ولو حد بيعاملني بما يرضي الله، مكنتش همشي ولا أحب كنت أخد لقب مطلّقة، ولا إني أربّي ابني بعيد عن أبوه، ولا إني أبقى لوحدي وحياتي اتدمرت. أنا ممكن أقول أسباب الطلاق، بس مش هقول عشان ابني يفضل يحبّك".

View this post on Instagram

A post shared by Farah Shabaan (@farahshabaann)

علي غزلان يؤكد تعرضه للظلم من طليقته فرح شعبان

من جانبه، علّق البلوغر علي غزلان على تصريحات طليقته من خلال فيديو نشره عبر خاصية القصص المصوّرة المُلحقة بحسابه الخاص في "إنستغرام"، وقال فيه: "حصل طلاق أول مرة وتاني مرة وتالت مرة، وحاطط في بوقّي جزمة وساكت ومبتكلّمش، عشان المفروض هي أم ابني، هي إنسانة محترمة وكويسة، عمري في يوم من الأيام اتكلّمت عنها كلمة وحشة ولا هتكلّم عنها كلمة وحشة مهما حصل استفزاز".

وأضاف: "وأنا مقولتش أسباب الطلاق، مع إن لو قولتها لأي حد هيعرف إن أي راجل في الدنيا لازم يطلّق عشان الأسباب دي، ومقولتش أسباب الطلاق عشان ابني، والطرف التاني طالع بيردّ من حيث لا أدري".

وأنهى علي غزلان الفيديو بالقول: "أنا مش هتكلّم على فكرة فيديو التجسّس، مع إن قبلها بـ3 شهور طلعنا مع رضوى الشربيني، هي قالت إني كنت بتجسّس عليها من الأبل واتش بتاعتها، وكنت عايش حياتي مراقب، ومش هتكلّم كلمة وحشة عن زوجتي السابقة، وياريت مش كل ما نلاقي الريتش وقع نتكلم على علي غزلان. يا جماعة أنا ابني عايز أربّيه، وكل ده عشان طلعت في بودكاست واتكلّمت عنها حلو جداً، وبحاول ودخلت أقولّها يا بنت الناس أنا بتشتم، تقولّي مليش دعوة، روح سكّت الناس، ومن ساعة ما اتطلّقت وأنا بتهان في كل حتة، ويتقال عليا إني بخيل، ده الفيزا مكنتش معايا وبتداين لطوب الأرض عشان أعيّشكوا عيشة أحسن، وأمي هي اللي رجعتني في المرتين التانيين في أول طلقة وتاني طلقة، وبتتكلم على أمي وحش ومتكلّمتش، وأمي سابت بيتها وجت عاشت معايا عشان كنت عايز انتحر من كتر الابتزاز العاطفي اللي كنت عايشه، وأنا فلّاح عمري ما جبت سيرة طليقتي في حاجة، أنا تعبت".

تفاصيل انفصال علي غزلان وفرح شعبان للمرة الثالثة

كان البلوغر علي غزلان قد أعلن انفصاله عن زوجته فرح شعبان للمرة الثالثة في شهر نيسان (أبريل) الماضي. فيما كان الانفصال الأول في شهر حزيران (يونيو) عام 2024، بعد زواج دام قرابة عامين ونصف العام، قبل أن يقررا العودة إلى بعضهما في تشرين الثاني (نوفمبر) من العام نفسه، ليتم الانفصال للمرة الثانية في شهر نيسان (أبريل) 2025.