المعاناة

يا ليل خبّرني عن امر المعاناةْ
هي هاجسٍ يسهرْ عيوني ولا باتْ
أو صرخةٍ تمرّدت فوق الاصْواتْ
أو عبرةٍ تعلّقت بين نظراتْ
أعاني السّاعه واعاني مسافاتْ
واصوّرْ معاناتي حروف وابياتْ
ولانيبْ(2) ندمانٍ علَى كل ما فاتْ
هذي حياتي عشتها كيفما جاتْ

هي من صميم الذّات والاّ اجنبيّهْ
أو خفقةٍ تجمح بقلبي عصيّهْ
أو ونّةٍ وسط الضّماير خفيّهْ
أو الدّموع الّلي تسابق هميّهْ(1)
واعاني رْياح الزّمان العتيّهْ
يلْقَى بها راعي الولَعْ جاذبيّهْ
أخذتْ من حلو الزّمان وْرديّهْ
آخذْ من ايّامي واردّ العطيّهْ