نجمة سورية تُجبر على الطلاق بعد زواج دام يوم واحد... إليكم التفاصيل

ضرب الطلاق للمرة الخامسة خلال أشهر قليلة وسط نجمات الدراما السورية، إذ تطلقت الممثلة تولين البكري بعد يوم واحد من زواجها، بسبب العنف المبني على أساس النوع الإجتماعي ونظرة المجتمع العربي المجحفة تجاه المرأة غالباً، بخاصة المطلّقة، وفق ما شرحت البكري.

وأعلنت الممثلة السوريّة طلاقها بعد نحو أقل من شهرين من طلاق زميليها نظلي الرواس وجلال شمّوط، وقبلهما الفنانة رواد عليو من زوجها، وكذلك طلاق الفنانة الكبيرة أمل عرفة من زوجها الفنان عبد المنعم عمايري، وكان سبق إلى الطلاق النجمة جيني إسبر  من المنتج عماد ضحية.

وقالت البكري في منشور عبر حساباتها على شبكات التواصل الإجتماعي: "رفقاتي...حبايبي..لكل اللي فرحولي من قلبون..ولكل اللي باركولي وتمنولي الخير..بقول..ومتل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها..بما أني بعد يوم من إعلان زواجي شلت كل الصور ..أنا رح واجه مشكلتي معكم لأنو أد ماخبيت مافي شي بيدوم..ومافي داعي لخبي لأني ماغلطت..بالعكس..أنا متلي متل أيا أنثى..بتحلم بالاستقرار والأمان والدفا والعيلة والحب..ارتبطت شرعآ بشب أبن عالم وناس وتزوجنا بعد ماتقدملي بشكل رسمي وحكا مع أهلي وطلبني على سنة الله ورسوله..ولكن للأسف كان لأهل هالشب اعتراض عليي ومآخذ..بما أنني مطلقة وممثلة و..و..الخ..واجبروه على فسخ عقد الزواج القائم بيننا..ماعندي شي خبيه لأني ماغلطت كل ذنبي كان أني طلبت الحلال مع هالشب..وبالنهاية كل شي لخير أكيد.وقسمة ونصيب.بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد...وبعتذر من أهلي قدام الكل لأني حطيتون بهالموقف بدون أي ذنب..شكرآ".