بعد أن نشر موقع مجلة "لها" الإلكتروني خبراً بعنوان من هي الفنّانة اللبنانية التي قالت لأحلام: "لي ما عجبو ما يجي لعنا ولا يعيش معنا" دار حول كلام الفنّانة اللبنانية ليليان نمري، أوضحت الأخيرة أنها لم تعني النجمة أحلام على الرغم من التقاطع الواضح بين كلامها وكلام الفنّانة الإماراتية.

وكانت أحلام غرّدت حول "الفلافل" و"الشحادين والزبالة في لبنان" بعد تهكم الممثل اللبناني عادل كرم عليها وعلى جمهورها في برنامج "هيدا حكي" عبر قناة mtv اللبنانية، بعد إيقاف برنامجها "ذا كوين" عبر شاشة تلفزيون دبي بعد عرض حلقة واحدة منه فقط.

وكتبت نمري في تدوينة عبر حسابها الشخصي على موقع "فايسبوك" أمس السبت: "حتى بزبالتك يا لبنان بحبك وانا قبلانة فيك كيف ما كنت وبكل كياس زبالتك والوانك المتعددة وطوائفك الـ 18. واحزابك وجمعياتك وحملاتك ومظاهراتك وشوارعك وريحتك .. والفلافل المزرزب منها الطراطور، والمنقوشة والكشك".

وتابعت:" وما حدا إلو معي وانا حُرة وبقرر متل ما بدي، وحبو كيف ما بدي .. واللي ما عجبو ما يجي لعنا ولا يعيش معنا بكل بساطة ! ونقطة عالسطر".

وأبدت نمري انزعاجها من عدم وجود المقطع التالي من كلامها في نص خبر "لها": "لو سمحتوا ما بقبل اهانة حدا عا صفحتي ولا اي بلد ولا اي انسان وما حدا يذكر اسامي لو سمحتو انو مش كل مرة بدي احكي هالحكي واقعد امحي تعليقات والبوست ما رح امحيه وبقولوا عا راس السطح وكل تعليق خارج الاحترام رح امحيه .. حلكن تعرفوا عقلاتي وشكراً".

والجدير بالذكر أن صورة التدوينة كاملة موجودة في خبر "لها" من دون أي تعديل، بما فيها المقطع الذي أشارت إليه نمري.

وعلّقت نمري على خبر "لها" عبر تدوينة جديدة اليوم الأحد قائلةً: "اولا سلام للجميع ثانياُ من غير المقبول تحويل كلامي عا ذوقكم ولغاية بنفس يعقوب .. اولا انا تكلمت بالعموم ولم اذكر اسامي بالتحديد .. ويحق لي ان ادافع عن وطني وما وقفت على الفنانة احلام الاف المقيمين من كل البلدان في لبنان يعملون به ويعيشون بربوعه ويشتمونه ليلاُ نهار .. وكتبت مدافعة عن وطني بعد عدة ايام عن الحادثة .. والـ ما فيه خير لوطنه ما فيه خير لإي وطن .. كنت بتمنى ما تحَّرفوا كلامي هالقد وتعملوا حزازير وكان من المفروض تحطو كل اللي كتبتو عالصفحة بكل موضوعية وصدق وتجرُد لانو ما بسمح لنفسي انو قلل من قيمة حدا عا صفحتي ولا بسمح حدا يشتم حدا عا صفحتي من 9 سنين والكل بيعرف هالشي كتير منيح .. ودايما بقول نحنا الحق علينا مش الحق عا حدا".

وختمت: "انا بحترم مجلتكم والمفروض تبادولني بالصدق اقل شي الصدق".

تجدون خبر "لها" كاملاً هنا