محمد إمام يرد بقوة على مانشيت صحافي.. ما علاقة السقا!؟

ابدى النجم المصري محمد إمام إعتراضه على مانشيت جاء في إحدى الصحف المصرية بعنوان "محمد إمام يستعرض قوته على السقا ويهزم شعبية محمد رمضان".

وكتب عبر "فايسبوك": "انا باشكر كاتب المقال على حماسه ليا بس طبعاً مع اعتراضي على المانشيت وكنت حابب أوضح حاجة بالمناسبة دي، ان اول اتنين هنأوني على إيرادات الفيلم كان أخويا الكبير احمد السقا وأخويا الصغير محمد رمضان، زي مانا كنت دايماً باهنيهم على نجاحتهم".

وأضاف: "يا جماعة احنا كلنا في الوسط ده عِشرة عمر وواكلين مع بعض عيش وملح، احنا ليه دايماً بنقارن نجاح بنجاح او لو حد نجح بنقلل من نجاح التاني!؟".

وتابع: "ربنا هو اللي بيوزع الارزاق وما حدش بياخد رزق حد، وكل المنافسات دي في صالح الجمهور في الاخر لانها بتدفع كل واحد انه يعمل أعمال حلوة تعجبكم، بتمنى ان كل الأفلام تجيب أعلى الأرقام وان الجيل ده يقدر يغيّر شكل السينما المصرية، احنا فعلاً أصحاب وحبايب فأرجو عدم إثارة اي فتن او ضغائن وخلينا نشتغل في هدوء".

يذك بأن المانشيت جاء للتأكيد على تفوق محمد إمام في إيرادات أفلام العيد بفيلمه "جحيم في الهند" على النجم المصري أحمد السقا بفيلمه "من 30 سنة"، وأيضاُ تحقيقه أعلى إيراد يومي في تاريخ السينما متفوقاً بذلك على ما حققه من قبل محمد رمضان في فيلمه "شد أجزاء."