أحب الليل

أحب الّليل ونجوم الّليالي

                           حبيباتي أساهرهن لحالي

لقيت بصحبة النّجمات سلوَى

                           عقب ما فارق الخفّاق غالِ

ألا يا ساريات الّليل سيري

                           علَى واديه معْ مسرَى خيالي

تجلّي في سما خِلّ المودّه

                           وقولي للحبيّب وش جرََى لي

هنيّك يا نجوم تْناطرينه

                           وانا مالي علَى النّظره مجالِ

صبرت وكل حيّ لو تصبّر

                           إلَى مالت ليالي العمر مالِ

ولكنّي ولو شابت عيوني

                           أحبّ الّليل ونجوم الّليالي