راندا البحيري تهاجم المتضررين من إعلان يوسف فوزي عن مرضه

نشرت الفنانة راندا البحيري على حسابها الخاص بـ"إنستغرام" منشوراً علقت فيه على الظهور الأخير للفنان يوسف فوزي الذي أثار الجدل مؤخراً وحالة التعاطف التي نالها من قبل جمهوره.

وكتبت: "أستاذ يوسف فوزي قرر إنه يشاركنا مرضه وحابب بإرادته إنه يطلع ويتكلم، وعلى فكرة أغلب اللي متضايقين من الفيديو. متضايقين علشان خايفين على نفسهم. مش عايزين يشوفوا حاجة وحشة. مش عايزين يفتكروا المرض مش عايزين نتعظ من حاجة. على فكرة. الله يشفيه ويعافيه الفيديو ده هيبقي سبب لحاجات حلوة كتير أوي".

وأضافت: "قال الفن يا جماعة بيسرق العمر. وقال كمان حاجة أنا كنت دايماً بفكر فيها بس معرفتش أفسرها زي ما هو بخبرته فسرهالي في الفيديو ده.. قال كل يوم بنصحي الصبح بنسيب شخصيتنا وبنلبس شخصية تانية نعيش بيها طول اليوم ونرجع ننام ونصحى نلبس شخصيه تالتة ونرجع ننام ونصحى وهكذا. علشان كده جت كلمة الفن بيسرق العمر من هنا".

وتابعت: "إحنا الكام سنة اللي عايشينهم في حياتنا مش بنعيشهم بأسماينا بالطول والعرض. لا. بنعيش جوا شخصيات غيرنا. عمرنا بيتاكل. بدعي كل زمايلي وأصحابي إننا نفكر تاني. وتالت. في حياتنا. وفي ولادنا. وحبايبنا. وفي نفسنا. ونعيش للفن ولنفسنا مع بعض".

مقالات ذات صلة

راندا البحيري تفوز على شاب نشر صوراً خاصة لها

راندا البحيري تهاجم فناناً بسبب نكران الجميل

يوسف فوزي راندا البحيري