هاجمت الإعلامية ريهام سعيد الفنانة الاستعراضية سما المصري بقوة بعد القبض على فتاة "تيك توك" الشهيرة حنين حسام، وإحالتها للتحقيق بتهمة نشر الفسق الفجور عبر مواقع التواصل الاجتماعي.

وكتبت عبر حسابها على "إنستغرام": "طبعا أنا ضد ظاهرة العيال اللي تطلع تعمل لايف زي حنين بس هي عندها 18 سنة واتقبض عليها.. طب بالنسبة لمدام سما؟؟؟ بتنشر إيه؟ وليه متسابة كده؟".

وكانت قد ثارت أزمة حادة بين ريهام سعيد وسما المصري على خلفية القضية الشهير المعروفة بـ"فتاة المول" والتي دخلت بسببها ريهام السجن.

من ناحية أخرى انتقدت ريهام الحملات الممنهحة ضدها، موضحة أنه خلال يوم واحد فقط نشر عنها وضدها ما يقرب من 50 خبراً.

وكتبت ريهام على "إنستغرام": "أشوفكوا على خير ورمضان كريم وكل سنة وإنتوا طيبين، ربنا يرفع هذا البلاء يا رب. يا رب الضماير تصحي والظلم يزول وينتصر الحق والصح عشان الآية انقلبت في كل حاجة".

واستشهدت بالحديث الشريف الذي يقول: "سيأتِي على الناسِ سنواتٌ خدّاعاتٌ، يُصدَّقُ فيها الكاذِبُ، ويُكذَّبُ فيها الصادِقُ، ويُؤتَمَنُ فيها الخائِنُ، ويخوَّنُ الأمينُ، وينطِقُ فيها الرُّويْبِضَةُ. قِيلَ: وما الرُّويْبِضةُ؟ قال: الرجُلُ التّافِهُ يتَكلَّمُ في أمرِ العامةِ".

وتابعت: "التربص الغير مبرر لي ولتصريحاتي وتحويرها بيأكد لي إن في حاجة مش طبيعية ومالهاش دعوة بأنا بغلط ولا لا . إمبارح ٤٧ خبر في ساعتين كلهم ضدي وبيعملوا علي تشويهي. هل ده طبيعي؟ أنا منهزمتش ولا اتكسرت أنا قررت ألجأ فقط لله سبحانه وتعالى مش هامشي أفهم كل واحد إني مقلتش ومعملتش وإن دي حملات ضدي. كنت مصممة أخدم الناس ويبقي وجودي في الدنيا ليه فايدة بس خلاص تعبت وأفضل كتير وأبرك أخلي بالي من نفسي اللي ياما أنا بهدلتها معايا عشان متمسكة إني أقول الحق. توبوا إلى الله مفيش وقت".