الكشف عن تفاصيل مكالمة حسام حبيب وأشهر معجبات شيرين

تسبب الفنان حسام حبيب زوج الفنانة شيرين عبد الوهاب، وشقيقها محمد، في إحداث انقسام بين جمهورها، بعد تداول الشائعات التي انطلقت الفترة الأخيرة عن طلاقها وحدوث شجار مع زوجها وصل حتى الضرب.

وبعدها خرج الثنائي ونفيا هذه الشائعات بطريقتهما الخاصة، وذلك عبر حساباتهما المختلفة على مواقع التواصل الاجتماعي، وعقب نفي النجمين، دخل محمد عبد الوهاب شقيق الفنانة في مشاجرات مع واحدة من أقدم جمهور شيرين عبد الوهاب في العالم العربي وهي "ابتهاج العبدلي"، لأنه اتهمها بأنها من نشر شائعة طلاق شقيقته بالاتفاق مع المنتج ياسر خليل، مما أثار جدلاً بين جمهور شيرين.

وفي توضيح لملابسات الأزمة قالت العبدلي على حسابها الشخصي بـ"تويتر": "مساء الخير إمبارح اختفيت عن الجميع اختفاء مروع جدًا أنا نفسي ما صدقتش أصحى منه بصراحة وما كنتش ناويه أتكلم وكنت قد وعدي مع حسام أنه المكالمة تكون بينا بس لما لقيت حسام معرف البعض بالمكالمة والكل بيتكلم ف قولت لازم أوضح اللي حصل عشان محدش يتكلم من عنده".

وتابعت: "مش هتصدقوا أن الفنان حسام زوج شيرين أتصل بيا إمبارح أه والله وأتكلمنا حوالي ساعة المكالمة ما كانتش زي ما البعض متخيل وأنه في شتايم أو غلط بسيط حتى ما كانش في أي حاجة من ده المكالمة كانت في حدود الأدب وكنا بنوضح لبعض وكل حد بيقول اللي عنده من غير غلط".

واستكملت: "ومن ضمن الكلام حسام قالي إنتي زي أختي وأنا دخلت كلمتك شخصيًا لأنه أنا وشيرين عارفين إنك من أهم الفانز ومن الفانز الليدر لشيرين عشان كده أتصلت بيكي وأوضحلك بعض الكلام والشائعات اللي بتسمعوها وتصدقوها وأنا نفس الكلام وضحتله حاجات هو كان فاهمها غلط وتقبلنا كلام بعض".

وأضافت: "وعمومًا أسلوب الكلام بينا كان محترم وأنا وعدت حسام وشيرين أنه لا أجيب سيرته بخير ولا بشر في أي حاجة بكتبها وهكون قد وعدي معاهم ومش هخبي عليكم مدى فرحتي بكلامه واعترافه أني من أهم وأكبر الفانز لشيرين دي بحد ذاتها حاجة كبيرة ومهمة وبالنسبة حسابي اللي طار ع الأنستا فدا شيرين".

واختتمت: "ويا جماعة ياريت تعرفوا أنه الكلام على الشرف مش حاجة سهلة وذنبها كبير عند ربنا ف مش أي حاجة تقولوها لمجرد أنك بتكره الشخص ده وحاجة أخيرة ياريت محدش يجيب سيرتي لا بخير ولا شر وكل حد يخليه في حاله وانتهى الموضوع على كده".

مقالات ذات صلة

حسام حبيب يوضح حقيقة ارتباطه بالمطربة شيراز

شيرين عبد الوهاب تدلي بأقوالها في بلاغها ضد شقيقها وهو يعلّق

زوج شيرين عبد الوهاب حسام حبيب حسام حبيب و شيرين عبد الوهاب طلاق المشاهير