إيساف يتحدث عن السن المناسب للزواج

بعد أن أعلن الفنان إيساف زواجه منذ أيام قليلة وفي أول تصريحات صحافية له بعد الزواج كشف عن رأيه في السن المناسبة للزواج، مشيرًا إلى أنه ضد الزواج في سن العشرينيات للشباب، لأن خبراتهم لن تكون قد تكوّنت بعد.

وقال إيساف: "أنا مش مع الزواج في سن العشرينيات للشباب خاصة في العصر ده، لأن نسب الطلاق كترت بسبب الجواز السريع والبدري".

وأضاف: "النبي محمد لم يُبعث إلا بعد الأربعين سنة وده أكيد فيه رسالة، لذلك بشوف من وجهة نظري إن السن المناسبة للشباب للزواج بعد الخمسة والتلاتين أو أول الأربعين".

وأكد: "كل واحد له حياة مختلفة، وهو صاحب القرار، لكن بالنسبة لي لو كنت اتجوزت قبل كده ما كانتش هتبقى خطوة صح في حياتي".

وتابع: "الزواج مشاركة بين الطرفين، وكل شيء يجب أن يقوم بينهما بالحب والاتفاق، وأنا أحب أكون في بيتي مرتاح نفسيًا وجسديًا كمان، وأحب أتفهم من غير ما أتكلم بالحب مش بالأمر وأي حاجة في الدنيا بالاتفاق والحب والحياة الزوجية مشاركة.

وعن رأيه في تصريحات الإعلامية ياسمين عز، قال: "عاجبني إن ياسمين عز عرفت تخلي الناس تبص لها أوي، وأنا كإيساف أي تريند في الدنيا مش بيشغلني خالص ده طبعي لكن هي عاملة جو وده اللي عاجبني فيها بغض النظر عن اللي بتقوله، هي بتلعب وخليها تلعب".

وأكمل: "عاجبني إنها بتعدي قدامي كذا مرة ولكن مش بسمعها لأني عارف الفكر ده وعارف منبعه وسببه وعارف أن هدفه البلبلة وهي بتقول ليه، لأني أنا جوه المطبخ الفني ففاهم الشغل ده كله ودي حاجة حلوة وبرافو عليها وأنا بأحييها".