أعلنت الفنانة هدى الإتربي عبر حسابها الخاص على "إنستغرام" عن تعرضها لعملية نصب من قبل إحدى الشركات المختصة بنقل الأثاث.

ونشرت "الإتربي" تحذير أوضحت خلاله تفاصيل الواقعة قائلة: "مساء الخير يا جماعة دول نصبوا عليا أنا اتعاملت معاهم بياخدوا الفلوس والعفش على أساس إنهم معرض والمفروض يسلموا الحاجة بقالهم أكتر من 4 شهور وكل مرة يديني ميعاد للتسليم ويقفل تليفونه".

واستكملت: "المكان بتاع المعرض اللي قال عليه طلع غلط ومش كاتب مكان للمعرض بتاعه على الصفحة اللي بيتعامل منها وكل الصور اللي عنده من صفحات تانية وأنا هاخد إجراء قانوني معاه ياريت أي حد يخلي بالو ودي الأرقام اللي بحاول أتواصل بيها واللي الصفحة بعتتهالي إن ده صاحب المكان كلهم مقفولين".

وأضافت: "واللي بيكلمني منها ويقول أنا المهندس صاحب المعرض ودي صفحته اللي عامل فيها شغل وبيدخل يتواصل بيها للناس وعامل أن محدش يعملوا منشن".

وأنهت حديثها قائلة: "هو أصلاً لاغي إن حد يعمله منشن واكتشفت لما جبت البطاقة بتاعته أن هو أصلا مش مهندس وكمان حاجات تانية هقولكم عليها بعدين وأنا اتخذت ضده إجراء قانوني وبدأ يتفتح تحقيق في المحضر اللي أنا علمتهوله ولما المحامي بتاعي كلمه أنكر أصلا أنه خد مني فلوس رغم أن أنا أصلا معايا عقد".