نشرت الإعلامية ريهام سعيد عبر حسابها الخاص في "إنستغرام" صورة من إعلان نشره طبيب تجميل تضمّن صورة لامرأة مجهولة، وقد غطى عينيها بشريط أسود وكتب عليها "قبل"، وبجوارها صورة لريهام واضعاً شريطاً أسود على عينيها وكتب فوقها "بعد"، ليوهم قرّاء الإعلان بأنه أجرى جراحات تجميل ناجحة.

وأعادت ريهام نشر الإعلان واتّهمت طبيب التجميل هذا بتشويه وجهها بعد ارتكابه خطأ في عملية التجميل التي أجراها.

وعلّقت ريهام على الصورة قائلةً: "يعني أنت مجرم لدرجة إنك شوّهتني وعرفت إنك موّتت ناس قبلي وبتحط صورة لواحدة مش أنا خالص وتقول إنها أنا... أنا كنت زي القمر قبل ما آجي لك، حد عمره شافني شكلي كده".

عرض هذا المنشور على Instagram

‏‎تمت مشاركة منشور بواسطة ‏‎Reham Said‎‏ (@‏‎rehamsaidofficial‎‏)‎‏

أضافت: "عارف أنت لازم تبطّل أذية للناس لازم، أنا بحذّر كل الناس منه... أنا هاطلع لايف من غير فلتر أورّي الناس إنت عملت إيه، رايح العراق... بعد ما انفضحت في لبنان تبوّظ الناس هناك... يعني وصل بيك الإجرام إنك تشوّهني وتموّت 2 ستات قبلي وتحط صورة لواحدة مختلفة وتقول إنها إنا؟ ده أنا كنت زي القمر قبل ما أجيلك، مين الست اللي أنت حاطتها دي؟ والدتك؟ عارف؟ أنا هارفع عليك قضية وهابطّلك طب عشان إنت بتئذي ناس كتير أوي إنت تبعد حاجة عن إنك تكون دكتور، إنت وقعت غلط خالص".

واختتمت ريهام سعيد منشورها قائلةً: "أنا بحذّر الناس كلها من التعامل معاه بجد كل أما بروح لدكتور نغيب عشان بوّظ لي وشي وأنا بداري بالمكياج لا أنا هاطلع لايف أورّيهم أنت عملت إيه؟ حاطت أي صورة فيك لواحدة تانية وبتقول إنها أنا ؟؟؟؟؟ أنت معمول من إيه؟ يا جماعة أوعوا حد يتعامل معاه أوعوا. بوّظ الناس في لبنان رايح أربيل يبوّظ الباقي".