ممثلة مصرية تثير الجدل بتصريحاتها عن الحجاب ومشاهد الإغراء والتحرّش

أثارت الفنانة عنايات صالح جدلاً واسعاً بتصريحاتها عن مشاهد الإغراء، ومشكلة بعض المخرجين مع الحجاب، مؤكدةً أنه لم يعُد يُعرض عليها المشاركة في أي عمل فني منذ ارتدائها الحجاب.

وقالت الممثلة المصرية خلال لقائها في برنامج "قعدة ستات": "أنا لبست الحجاب من 3 سنين، والمخرجين عندنا بيكرهوا الحجاب، عندهم مشكلة، كان زمان المخرج يروح المسرح والمعهد يشوف الشباب ويختارهم للأدوار، لكن دلوقتي الموضوع اختلف النجم هو اللي بيختار".

وأضافت: "كنت بشتغل 3 أو 4 مسلسلات في السنة، وبعد الحجاب قعدت في البيت ولا حد بيتصل بيا، النجوم الجديدة ميعرفوناش، أنا اشتغلت مع كبار المخرجين ودلوقتي يقولوا تعالي أعملي اختبار أداء، أروح أعمله مع مخرج مساعد إزاي وأنا اشتغلت مع مخرجين كبار، عدّيت المرحلة دي من زمان، لكن قلت أجرب رحت لقيت 2 قاعدين صغيرين في السنّ وكاميرا وخُدي المشهد دا قوليه عشان يشوفوا أنفع ولا لأ، أنا زعلت من نفسي إني رحت".

وتحدثت عنايات صالح عن مشاهد الإغراء الجريئة التي رفضت تقديمها في بداياتها الفنية، فقالت: "أنا استبعدت من مسلسلات كتيرة جداً بسبب المعاكسات، وأنا طالبة في المعهد جاء مخرج من الكبار بتوع السينما وقالي تعالي إنتي هند رستم الجديدة، وقالي هنعدّي نروح مدينة السينما يعملي تجربة أمام كاميرا، وبدأ يقولي عندك بطن عايزة تنزل شوية وبدأ يحط إيدو على بطني وحاول يتحرّش بيا، وأنا صرخت عليه واتخانقت معاه، ومخرج تاني كبير أوي طلب مني أروحله المكتب بتاعه عشان اقرأ السيناريو معاه واكتشفت أنه مش مكتب بل بيته فمروحتش".

مقالات ذات صلة

سما المصري تهاجم منتقدي شكلها

هنا الزاهد توجه رسالة إلى مي عز الدين وتعلن عن آخر أعمالها الفنية

عنايات صالح مشاهد الإغراء المخرجين الحجاب كاميرا المسلسلات المعاكسات هند رستم تحرش