سخرية رامز جلال وصراخ هدى الإتربي في "رامز إيلون مصر" (فيديو)

وقعت الفنانة هدى الإتربي ضحية مقلب في حلقة أمس (الخميس) من برنامج "رامز إيلون مصر" الذي يقدّمه الفنان رامز جلال عبر قناة MBC مصر، حيث استقبلها بمقدمة ساخرة قال فيها: "معانا نجمة مشهورة محدّش عارف ليه، يمكن علشان نافخة الشفايف، ولا مدملكة زي القطايف، النجومية دلوقتي بقت بالبروز".

وأضاف: "النجمة اللي معانا منبع الفيلر، بتعبّي السليكون بالكوز. مستحلية نفسها وفاكرة محدّش قدّها، النهاردة هردها على البارد، وأكسر جناحها اللي فارد. معانا الشيست المفترس، إيرباجز الجيل".

وسخر رامز من إطلالة هدى الإتربي فور وصولها الى البرنامج قائلاً: "جاية من الحرفيين على هنا، مفيش عدالة في التوزيع وفي مناطق جت على مناطق، إيه الشعر ده؟ مش بتحط زيت أملا دي بتشربه، واللي زي دي لازم واحد يمشي وراها بطشت أحسن شوية سليكون يتدلدقوا، وإنت لابسة بودي ولا بودي آرمر".

ودخلت هدى الإتربي في نوبة صراخ خلال فقرة نحت نسخة منها بواسطة الروبوت "زنجباري"... مستغيثةً: "هموت نزلوني والنبي".

وعلق رامز جلال على هدى الإتربي بعد الكشف عن نفسه قائلاً: "هدى أثبتت إنها بيور، كله طبيعي مفيش حاجة صناعي"، وهو ما عقّبت عليه هدى الإتربي بالقول: "لو في حاجة صناعي كانت فرقعت".

مقالات ذات صلة

رحمة رياض وأحمد سعد وناصيف زيتون يريدون لقب "ذا فويس"

سمية الخشاب توجّه رسالة الى السيدات بسبب زيادة وزنها (فيديو)

رامز جلال هدى الإتربي رامز إيلون مصر نجوم الفن مشاهير الفن MBC مصر