مخرج "طير أنت" يكشف سراً عن دنيا سمير غانم (فيديو)

حلَّ المخرج أحمد الجندي ضيفاً على الإعلامية زهرة رامي في إذاعة "إنيرجي بلس"، حيث كشف سراً يذاع للمرة الأولى عن كواليس العمل في فيلم "طير انت" الذي قدمه مع النجمين أحمد مكي ودنيا سمير غانم، كاشفًا عن كيفية اختيار دنيا سمير غانم حينها لبطولة العمل.

قال الجندي: "قعدت أدردش أنا ومكي عن مين اللي هتعمل الدور، وعملنا أوديشنز ولقاءات كتير، وكان بينهم ناس اقتنعنا بيهم، وفي بنت بالفعل مضت، بس رأس المال تحدث وقال لازم حد معروف يشيل الفيلم في التوزيع مع أحمد لإنه كان برضه لسه في بداياته".

أحمد الجندي: دنيا سمير غانم اتلبست

أكمل أحمد الجندي عن كواليس اللقاء الأول مع دنيا سمير غانم قائلاً: "حد رشح لنا دنيا سمير غانم، واحنا مكناش نعرفها على المستوى الشخصي، قابلناها وعرضنا عليها الدور، قلنا لها في دور كذا كذا تحبي تبقى معانا؟ قالت هذاكر وارجع لكم".

وواصل: "راحت ورجعت تاني يوم وقالت هو أنا ممكن أعمل البنت اللي مع الشخصية الرومانسية دي لبنانية؟ أنا بتكلم لبناني كويس، ولما سمعتها أنا ومكي بتتكلم لبناني اتثبتنا، وبعدين قالت بصوا بقى لو اللبنانية دي هتتكلم مصري هتبقى كده، فلقينا حد تاني خالص، تحس إنها اتلبست مش بتمثل".

مقالات ذات صلة

مي كمال الدين تثير الجدل حول أسباب طلاقها من أحمد مكي

دنيا سمير غانم توجّه رسالة إلى محمد ممدوح بعد حديثه عن حلم حياته

دنيا سمير غانم فيلم طير أنت المخرج أحمد الجندي إنيرجي بلس أحمد مكي كواليس