ما هو صحيح

ما هو صحيح القلب للقلب شاهد		لوْ هو صحيح أصبحت مفتون فيني*
بيني وبينك حب من قلب واحد		ليته يجيك من الهوَى ما يجيني
وليتك تعَرْف الشّوق لَى صار واجد*		وليتك تعَرْف أوجاع كثر الحنينِ
ما قد شكيت الحَر والجو بارد		ولا سهرت بليل طول السّنينِ
ولا مشيت العمر والحظّ قاعد		ولا تحدّيت الألم والونينِ
أضحك وانا لجروح الاحباب جاحد		أداري المكْنون عن كل عينِ
ما ودّي آفرّح علَى القلب حاسد		والاّ عذابي في عيوني يبينِ
شيٍ يهون وشي بالحيل كايد*		يا كود* تجريح الخفوق الحزينِ
من عانده وقته وقلبه يعاند		مالت به الدّنيا يسار وْيمينِ
غرّتني أمثال العرب بالشّواهد		يبيك* قلبي واحسب انّك تبيني
*فيني: فيّ. *واجد: كثير. *بالحيل كايد: كثير الصعوبة. *يا كود: ما أصعب. *يبيك: يريدك.

شارك