وقِّف

وقِّف ترَى لي والهوَى وانت ميعاد

                     يا من جمع بشفاه جمره وماها

طق الِّلثام ولا تبيّن لحسّاد

                     لا لا تخلّي كل عينٍ تراها

في شفّتك جمرٍ حَمَرْ فيه وقّاد

                     أغْليت أنا لون الجمر من غلاها

أخاف من واهج شفاياك يزداد

                      يحرق ورود الخد واهج سناها

وردٍ علَى غصنٍ من البان ميّاد

                      وردٍ نما في ظل رمشٍ كساها

رمشٍ علَى جال النّواعيس* صيّاد

                       ذبْح القلوب الّلي تعرّض حماها

عقلي وقلبي منك في حرب وجْهاد

                       واشوف دقّ القلب ميّل خطاها

*النواعيس: الناعسة.

 

شارك