ظلمتني

ظلمتني والله قويٍ يجازيك

شابهت* عدواني وانا طامعٍ فيك

الّلي جرَى لي منْك ماهوب* خافيك

والله ما غيرك بقلبي يوازيك

أشفق علَى اللايم إلَى جاب طَاريك*

الشاهد الله من كثر ماني اغليك

بالّلي بلاني خالق النّاس يبلاك

أقرب قريبٍ لي هقيت انه ايّاك

روحي علَى حدّ الخطر من سواياك

أغلَى من الدّنيا علَى الخد* ما طاك

ودّي يطول الشّرح في حال طرياك

في سِبِّتك* لو راحت الرّوح تفداك

*شابهت: أشبهت.
*ماهوب: ليس.
*الخد: الأرض المنبسطة.
*طاريك: ذكراك.
*في سبّتك: من أجلك.