نامت عيوني

نامت عيوني علَى حسنك وشفتك حلم

                                 يا زاير الّليل ليل البارحه عدني

متَى تجيني مثل ماجيت حلمٍ علم

                                 يازايد القلب خفقه بالهوَى زدني

ترَى البخل من كريم الأصل مثلك ظلم

                                 يا ظالم الّلي يودّك ليه تجهدني

سوّيت في قلبي الّلي قد عطيتك ثَلْم*

                                 ياماخذ القلب تاخذني وتجحدني

مهوب عند العرب واهل الجماله سَلْم*

                                 إنّك بما تاخذه مني تهدّدني

وكاد ما احْدٍ تعرّض للعيون وْسلم

                                 لاشك أنا بالوفا قلبك معاهدني

*ثَلْم: كسر أو جرح.
*سَلْم: عادة وقانون.