سلام

سلام يا ساكنٍ قروَى*

                          لا يا بعد من سكن فيها

من قربك الكبد ما تروَى

                          والاّ ترَى البعد يظميها

يا صاحبي ما اقدر السَّلوَى

                          عشرتك مانيب ناسيها

قلبي إلَى شاف من يهوَى

                          عندي من اسعد لياليها

أثر المحبّه من البلوَى

                          ما يرقد اللّيل راعيها

لو انصح العين ما تقوَى

                          تبكي علَى شوف غاليها

ما اقوَى العزا عنك وش دعوَى

                          باوّل حياتي وتاليها

شكواي للّي له الشكوَى

                          ربٍ له الحال شاكيها

 
*قَرْوَى: حي في مدينة الطائف السعودية.