الولع غنّى

الولع غنّى وانا فيني ولع

                هاضني* مغناك يا ورق الحمام

مثلك آصوّت ولا حيٍ سمع

                ما لقيت أحْدٍ ولو ينقل سلام

غيّبه عنّي زماني وانقطع

                ولْ يا وقت التفرّق والهيام

وين غيّبت الّلي بْقلبي زرع

                زهرة الأشواق وغصون الغرام

يا قمر عمري إلَى منّه طلع

                خيّمت عقبك دياجير الظّلام

كل حرٍّ لين ضيّق به جزع

               القهَرْ ياصل به حدود العدام

كل ما لمته هوَى قلبي شفع

               ذا حبيبي كيف محبوبي يِلام؟

لو تمادَى بالتّغلّي والدلع

              ما تمادَى بالقطيعه والخصام