يا روحي أحيا بك

يا روحي أحيا بَكْ وحنّا غريبينْ

في داخلي واشكي معك لوعة البينْ

يا لحظتي لو الزّمن بيننا سْنينْ

صوتي تقطّع في فلاة المحبّينْ

لا واهنيْ* من هُم علَى الما مقيمينْ

أهيم في صحرا عديمةْ عناوينْ

الّليل يوحشْ والضّحَى يجرح العينْ

أمنّي عْيوني من الحين للحينْ

يا طاغي الفتنه من الرّاس للقينْ*

مانيب* أشوفك وانت يا روحْ ذاتي

بعيد عنّي وانت نبضةْ حياتي

ويا مِنوتي لو ما حصل لي مناتي

وشوفي تبدّد مع سراب الفلاةِ

وانا يِبَسْ صوت الرّجا في لهاتي

متاهةٍ خلو* الشّجر والحصاةِ

والحزنْ يكتبْ مِنْ عذابي غناتي

عَسَى الفَرجْ معْ طلعة الصّبح ياتي

يا ليتي* أسْتر لوعتي في عباتي