راس السنه

اليوم راس السنه وامس آخر العامِ

                        والشمس تشرق وتغرب والملا لاهي

في ساحة العمر كلٍ يقرع طْبوله

                        ما شفت للناس عن درب الخطا ناهي

كلٍ علَى ماتبي نفسه يطرّبها

                        والذهن عن عبرة ايام الدّهر ساهي

يا غافل القلب لا يغريك زاهيها

                        إفطن ترَى الورد ما يبطي وهو زاهي

يا جامع المال يا من غايته دنيا

                        وش حيلتك في غياب المال والجاهِ

دنياك لو زخرفت لك شمسها واضحت

                        ترَى البلا في خبايا ليلها راهي

لا بد للدّرب مهما طالت نْهايه

                        والعمر لو طال به حبل الرجا واهي

الرّابح الّلي نسيم الحظ له ذعذع*

                       قدّاه ربّه علَى التقوَى ولا تاهِ