أسابق السّاعه

أسابق السّاعه وتسبقني السّاعه

                              تقضي* وانا توِّني باوّل ثوانيها

أبَشْتري* وقت وين اسواق بيّاعه

                                 يا الّلي تبيع الدّقايق.. حِد*.. واشريها

قلبي يبي وقت لو الوقت ما طاعه

                              وعيني تبي شمس لو الشّمس تعميها

ونفسي مثل باقي الاجواد طمّاعه

                              أبي أجدّد علَى الفرحه لياليها

لا شك الايّام للفرحات منّاعه

                              لو نوّرت ليلةٍ عشرين تطفيها

يظهر ثبات الفتَى والنّفس مرتاعه

                              خوفٍ علَى الّلي نحبّه من بلاويها

*تقضي: تنتهي.
*أبَشْتري: الرسم الاملائي الصحيح هو «أبي اشتري» وكتبت كما تنطق حتى لا يختل الوزن.
*حِدْ: بمعنى حدّد السِّعر.