ما هو حلم اللبناني؟

أطلق الشباب اللبناني صرخة موجعة عبر حساباتهم على "تويتر" من خلال "ترند" Trend أطلقوها اليوم وعبّروا فيها عن أحلامهم كلبنانيين. فحلم أكثرهم بـ "لبنان"، الوطن الذي يحترم شعبه وأرضه، مطالبين بتعيين رئيس للجمهورية. كما تبيّن من خلال تعليقاتهم بأنهم يتشاركون حلم "الكهرباء" والهجرة وغيرها من الأحلام...

إليكم أبرز التغريدات التي انتشرت على "تويتر":

#انا_كلبناني_بحلم لاقي مستقبلي ببلدي

#انا_كلبناني_بحلم تجي الكهرباء 24/24

#انا_كلبناني_بحلم يبطل في ولا نائب ولا وزير نصابّين

#انا_كلبناني_بحلم بلبنان

#انا_كلبناني_بحلم يصير في دولة بلبنان ونخلص من الطائفية والمذهبية... بحلم بكهربا ما تنقطع... بحلم برئيس جمهورية

#انا_كلبناني_بحلم عيش ببلدي وما حدا يشاركني فيها حدا من غير جنسية

#انا_كلبناني_بحلم ما موت على باب المستشفى لان ما معي مصاري وما عندي ضمان

#انا_كلبناني_بحلم اني صير ميّز بين حقوقي والاحلام

#انا_كلبناني_بحلم انو ما احسب الوقت لاعرف امتى جايي الكهربا وامتى مقطوعة

#انا_كلبناني_بحلم اخخ... نصوم كلنا سوا و نعيد كلنا سوا... ما بدنا العيد يتقسم متل ما الشعب تقسم...

#انا_كلبناني_بحلم يطلعوا نتائج الامتحانات كرمال فوت عالجامعة، حتى هيدا صار حلم

#انا_كلبناني_بحلم عيش ببلد تاني

#انا_كلبناني_بحلم شوفك ليل نهار وما تغيبي عني ساعة (الكهرباء)

#انا_كلبناني_بحلم بطّل لبناني

#انا_كلبناني_بحلم بالفيزا

شارك