بعدما انتشر فيديو لشقيقة مشتركة أراب آيدول منال موسى، صابرين، وهي تغني في أحد برامج اكتشاف المواهب الإسرائيلية، وتتحدث مع لجنة تحكيم البرنامج بالعبرية، وتلفيق أخبار حول خدمة منال في الجيش الإسرائيلي، ونشر تقرير منسوب لصحيفة "يديعوت أحرونوت" الإسرائيلية يؤكد أنها خدمت بالجيش الإسرائيلي وحصلت على مباركة من أيوب قرا عضو سابق بالكنيست الإسرائيلي عن حزب الليكود المتطرف، ليساعدها على المشاركة بـ Arab Idol ، خرجت منال عن صمتها وقالت عبر تويتر نافيةً كل ما قيل مؤكدة أنها تدعم القضية الفلسطينية. وجاء في كلام موسى:

مسا الخير وارجو النشر ..السرطان مش مرض والطاعون مش مرض المرض موجود داخل بعض العقول ..واعتذر اني بقول هالكلام بس صار لازم احكي وطبعا الكلام موجه لفئة معينه من الناس وليس للجميع...المرض في عقول البعض في لقلوب السوداء!!!لشو كل هالحقد؟؟ صرلي 3 سنين اعمل فيديوهات تراث فلسطيني مجانا بلا ولا قرش ..عروض تراث فلسطيني مجانا ولا قرش..حملات إغاثة وتبرعات وأعمال خيريه وهذا ليس معروف هذا واجبي كفلسطينييه بس السؤال وين كانت الآراء والصحافه لما عملت كل هاذ؟؟؟؟بتحكو عصوره انا وهيثم وعضو الكنيست؟؟؟ وين كانو الناس لما اتوقفنا بسجن كيشون وضلينا من تحقيق لتحقيق عالشارع مين وقف معنا??!!! كل هاذ عشان بدنا نوصل حلمنا نمثل بلدنا...بحقلناش؟؟ مثلنا مثل غيرنا،؟؟؟لك بتنزلو مقالات اني خدمت بالجيش،؟؟؟ يا عيب الشووم!! بتنزلو انو ابوي عسكري بالجيش....ولكو ابوي زلمه عقد حالو عمرو 55 سنه...إنهد حيلو وهو يشتغل ويتعب عشان يعلم بناتوو ابوي اللي مبكيش عموت أمو لانو دمعتو غاليه...بحياتي ماشفت دمعه ابوي إلا بحرب غزه !!!! بحياتها امي ما سمعت صوت بكاها وسهرها للصبح الا عقناه الاقصى وبحرب غزه!!!!!انا اللي غنيت ابكي وأصيح وبكيت من قلبي لاني شفت قدامي حي الشجاااااعيه....غنيت للوطن حكو ستغليت القضيه غنيت طرب حكيتو اني ناسيه القضيه ...طول عمري أغني تراث ليش محدا كتب عني؟؟؟!!!!إن الله على ما أقوله شهيد...وحسبي الله ونعم الوكيل ...وبالنسبه للي عم بدعموني الله يقدرني أوقف حدكو بنجاحكو أسفه عالاطاله وارجو النشر.
 

هذه مشاركة شقيقة صابرين في برنامج هواة اسرائيلي الذي انتشر في الأيام القليلة الماضية: