بالصور - هيفاء حسين: بعض فنانات الخليج رخيصات ووباء منتشر.. ما القصة؟ من قصدت؟

شنّت الممثلة البحرينية هيفاء حسين هجوماً عنيفاً على الفنانات الخليجيات، اللواتي يروّجن لأنفسهنّ بطريقة فاضحة.

وغرّدت: "يسقط الجمال لما البنت تتحمس أكثر من اللازم وتبدأ تترقص وتتفصخ امام العالم وما تحترم نفسها ولا المجتمع المحافظ والعادات والتقاليد. شي يفشل".

وكتبت على "انستغرام": "انصح كل بنت ما تتأثر باللي تشوفه على السوشل ميديا من صور وفيديوهات سيئة ومقززة لحريم وامهات عيال رخصوا باعمارهم وطلعوا للناس بشكل يسيء لسمعتنا كخليجيين ويشوه صورتهم امام الجمهور والمتابعين.. يا حرمة على الاقل احترمي عيالك اللي هم اول ناس يتفشلون من تصرفاتك التافهة.. واذا ما يهمونك عيالك فكري في الاطفال والبنات المراهقات اللي متابعينك.. هل هذي سلوكيات تبين تاثرين بها على الاجيال؟ استغفر الله بس.. انا فعلا مشمئزة من الفيديوهات المنتشرة لبعض اللي يسمون نفسهم مشاهير.. وهم فعلا الاشهر في التعري والرخص ونشر الفساد.. اتمنى من الاعلام وقف هذي المهزلة والمرض اللي منتشر بيننا وشن حملات لتنظيف الساحة الفنية والاعلامية من هالاشكال".

وأردفت: "يا بنات انصحكم حافظوا على سمعتكم وسمعة بلادكم واتركوا عنكم هالمشهورات الرخيصات اللي مكرسين وقتهم في التفاهات ونشر الفساد والعري بلباسهم وضحكاتهم.. انتم اكبر من هالامور واهلكم مربينكم على العفة والنظافة والعلم والثقافة بعيدا عن الاسفاف والرخص.. سامحوني تكلمت بحرقة.. لان بصراحة الكل يشوف وساكت من فنانين واعلاميين.. ما في احد تطرق لهالموضوع وحاول يوقف هالمسخرة اللي حاصلة في الاعلام.. اتمنى هالموضوع يوصل للجهات المسؤلة ووقف نشاط اي اعلامي او فنان يسيء لسمعة مجتمعنا وبلادنا في كل دول الخليج تحديدا".

وختمت: "سمعتنا وسمعة مجتمعنا وبلادنا امانة واذا بعض المشهورات ما تربوا على هالمبدأ فلا بد منا ومن المجتمع يربيهم من جديد عشان نوقف هالوباء المنتشر".