منذ حادثة طالب الجامعة الأميركية المتهم بالتحرش بأكثر من 100 فتاة، بدأ عدد كبير من الفنانات في الكشف عن حالات التحرش التي واجهنها في حياتهن على مواقع التواصل الاجتماعي وفي الحياة الحقيقية.

وكانت الفنانة أميرة فتحي واحدة من الفنانات اللاتي أعلن عن تعرضهن للتحرش، حيث كشفت أنها بعد نشرها لصورة مع صديقها والمدرب الخاص بها في الجيم، فوجئت بتحرش النساء والفتيات بها قبل الرجال.

وكتبت أميرة عبر صفحتها الشخصية على "فيسبوك": "مكنتش عايزة أتكلم في موضوع التحرش بس اللي عايزة أقوله إن التحرش بالألفاظ ميقلش عن التحرش الجسدي أنا من أيام تقريبًا اتصورت مع صديقي وفي نفس الوقت هو الـtrainer اللي معايا في الجيم وكانت صورة عادية جدًا وكان في جزء من جسمي بان من الـ"t –shirt" غصب عني حاجة مقصدهاش".

وأضافت: "اللي عايزة أقوله إني اكتشفت إن اللي اتحرشوا بيا لفظياً هما البنات والستات للأسف وده شفته على جروب خاص بالستات وأنا في الجروب ده لكن عمري ما اتفاعلت معاه وحد من أصدقائي هو اللي قالي لأنه بيشتغل في مباحث الإنترنت وسألني لو عايزة أقدم بلاغ في الجروب قلتله لأ واكتفيت إنه مسح الصورة وللأسف إن admin الجروب من el friends اللي عندي هنا يعني زي ما في رجالة متحرشين في ستات متحرشين وأنا شايفة إن دول أصعب.. ودي وجهة نظري".