إيساف يعلن أسباب عدم زواجه حتى الآن

كشف المطرب إيساف، في تصريحات صحافية عن سبب تأخر زواجه حتى الآن، مشيرًا إلى أنه رجل شرقي الطباع بدرجة كبيرة وهناك صفات محددة يجب أن تمتلكها شريكة حياته.

وقال إيساف: "أنا مرتبط دلوقتي، ولما اتقابلنا قولت لو في بينا عدم ثقة يبقى مش هنكمل، أنا وصلت لمرحلة دلوقتي صعب أوي إني ارتبط بـ واحدة في بينا علامات استفهام، أنا شرقي الطباع جدًا، ويمكن ده اللي أخرني في الزواج".

وتابع: "من خلال كل تجاربي وصلت إن العلاقات رزق، وكرم من عند ربنا أو غضب من عند ربنا، كنت دايمًا بحلم إن يتفق قلبي مع عقلي، كان دايمًا فيه صراع، ودلوقتي اتفقوا في علاقتي الحالية".

وأضاف، متحدثًا عن علاقته الحالية: "أنا اطمنت، أنا واحد من الناس اللي طبعًا بحب الشكل الحلو، ويكون دمها خفيف، أنا اتعرفت عليها بالصدفة البحتة، هي بتشتغل في مجال الإعلام وكلمتني بخصوص البرامج، واتقابلنا وقولت يا رب يطلع شخصيتها زي شكلها، هي واضحة وحقيقية زيي".

وأكد أن الفتاة المرتبط بها في الوقت الحالي لا تمتك أي حسابات عبر مواقع التواصل الاجتماعي، قائلًا: "هي مفيش عندها حسابات على مواقع التواصل ولا بتنزل صورها، أنا مش بعيب في حد، ولكن دي حاجة أنا بفضلها في شريكة حياتي، وأكتر حاجة بتضايق مني فيها إني مبعرفش أصالح".