أثار مقطع فيديو مأساوي نشرته سيدة مصرية على "فايسبوك" لمشرفة قامت بتعذيب طفل يتيم من خلال صب الماء البارد عليه فجراً خلال الشتاء.

ولا يظهر في المقطع الطفل وهو يتم صب الماء البارد عليه، لأن نوافذ الدار مغلقة، ولكن يمكن سماع صوت الطفل وهو يصرخ ويقول "المياه ساقعة مش هعمل كده تاني" .

وعلقت الشابة على المقطع قائلة: "دي دار الاورمان للأيتام في التجمع الخامس وده يا جماعة من شباك اوضتي الساعة 7 و نص الصبح والهانم بتعاقب طفل في التلج ده بإنها تحميه بمياه ساقعة ودي مش اول مرة اسمع ازاي بيعذبوا طفل وكذا مرة اروح اتخانق معاهم و اكلم المديرة ومفيش فايدة فقررت افضحهم".

وأضافت: "يا جماعة الموضوع مش مجرد اساءة معاملة طفل من موظفة ولكن المسألة مسألة منهج التعامل مع الاطفال في دور الايتام ومن القائمين علي التعامل مع الاطفال ومستوى تدريب البنات الي بيتعاملوا مع الاطفال، المأساه ان محدش دربهم بشكل علمي ودائم و مستمر وصحيح".

وتابعت: "المفروض يكون في برنامج متكامل يغطي كل الجوانب ويوزع على كل شهور السنة ومعاه برنامج لمتابعة وقياس الأداء. يعني المشكلة مش في البنات اللي بيخدموا الاطفال ولكن في الإدارة اللي مش بتهتم كفاية بتدربهم وتأهلهم ودلوقتي كل اللي بتعملوا الادارة دي انها هتطرد البنات دول بإعتبار انهم اساءوا في معاملة الاطفال"

تفاعل رواد مواقع التواصل الاجتماعي بشكل كبير مع المقطع، وتم تبادله على نطاق واسع وعلق عليه آلاف المتعاطفين خلال فترة زمنية قليلة مطالبين بضرورة محاسبة المشرفة ومسؤولي الدار وتقديمهم للمحاكمة.

فيما سارعت إدارة الجمعية التابعة لها دار الأيتام بالإعلان عن محاسبة المسؤولين في ذلك الفرع التابع لجمعيتهم وكذلك المشرفة التي قامت بهذا العمل بشكل سريع.